Publicacións EduCabana

RTV Remuíños é unha canle multimedia elaborada como Proxecto Tic, polas nenas e nenos das escolas de: Anos, Borneiro, Corcoesto, Cundíns, Fontenla e Neaño; que en conxunto constitúen o Colexio Rural Agrupado «OS REMUIÑOS», en Cabana de Bergantiños (A Coruña).

    Co gallo de compartir co resto do mundo todo o traballo sobre as Tecnoloxías da Información e Comunicación (TIC) realizado dentro das aulas do CRA, deciden crear este Blogue no que ir colgando todos os proxectos elaborados durante o curso.

Guía en castelán e inglés que contén unha selección dos principais puntos de interese turístico da Costa da Morte. Con textos e fotografías de Xan Fernández Carrera, o camiñante poderá disfrutar percorrer dun percorrido costeiro en 10 etapas desde Malpica ata Muros. Neste caso as páxinas seleccionadas corresponden ó tramo que discorre por terras de Cabana de Bergantiños

Tríptico redactado polo historiador e mestre Evaristo Domínguez Rial dunha ruta de sendeirismo que transcorre pola parte suroccidental de Cabana de Bergantiños, por terras das parroquias de Nanón, Riobó e A Silvarredonda

Fotobiografía do cura do San Fins do Castro que se remonta ós anos da súa infancia na parroquia pontevedresa de Cotobade e remata cos actos póstumos de recoñecemento como fillo predilecto de Cabana de Bergantiños. Destácase a importancia de Saturnino Cuíñas como folclorista que achegou melodías populares a grupos como Milladoiro ou Cántigas da Terra, ademais de recibir a Medalla de Ouro do Premio Marcial del Adalid. Da súa faceta como párroco, saliéntase a revitalización da romaría do San Fins do Castro, hoxe festa patronal de Cabana de Bergantiños. O libro conta con ampla documentación gráfica sobre o autor, a súa época e a súa contorna. Descubre tamén a faceta de versificador popular deste crego folclorista.

Tras ser capelán da Condesa de Torre Penela de Carballo e da familia Figueroa en San Martiño de Horto (Abegondo), Saturnino Cuíñas Lois foi enviado como párroco a Santo Estevo de Cesullas en substitución de Manuel López Porto. Preséntase en Cesullas o 10 de abril de 1931 coa súa nai Adelina e irmáns Aurelio e María.

Desde a chegada, a súa parroquia de presentación cobrou un importante dinamismo no eido relixioso, festivo, social e mesmo en infraestruturas. Creou coros parroquiais, deulle vida ás celebracións relixiosas do Nadal ou achegouse á xuventude a través das festas do catecismo. Foi unha persoa importante para que se construíse a estrada de Neaño a Baio.

Como pagamento polo seu labor, a corporación municipal nomeouno fillo adoptivo de Cabana de Bergantiños o 17 de marzo de 1956 cando cumpría as vodas de prata como párroco. Neste acto descubriuse unha placa de mármore na igrexa de Santo Estevo.

Desempeñou o seu traballo pastoral ata poucos momentos da súa morte, o 7 de abril de 1978. O seu pasamento foi todo un acontecemento social na comarca de Bergantiños. Asistiron veciños de concellos colindantes e a corporación municipal en pleno. O enterro foi oficiado polo arcebispo de Compostela Ángel Suquía. Quedou soterrado no cemiterio parroquial.

Cinco anos despois, o 21 de agosto de 1983, o Concello de Cabana de Bergantiños realizoulle unha homenaxe póstuma e recoñeceuno como fillo predilecto. Nos actos culturais participaron as corais Coral de Bergantiños, Toxos e Flores de Ferrol, Follas Novas, Lembranza e Cántigas da Terra da Coruña, o grupo folc Marea Baixa de Carballo, os grupos folclóricos da Asociación Cultural Río Anllóns de Ponteceso e do colexio público As Revoltas de Cabana; o humorista O Xestal deleitou os asistentes cos seus divertidos chistes e despois cantou por primeira vez en público acompañado por Xosé Manuel Eirís que tocaba unha das zanfoñas que pertencera a Saturnino Cuíñas. Como fin de festa, Andrés Rei dirixiu a interpretación do famoso Berro Seco. Tamen se colocou unha placa conmemorativa na fachada da ermida de San Fins.

Saturnino Cuíñas e o San Fins do Castro

O Concello de Cabana de Bergantiños en colaboración coa Deputación da Coruña, pon en marcha unha programación didáctica para os centros escolares de Galicia centrada no Dolmen de Dombate e na vida do Neolítico galego a través dos espazos museísticos do Centro Arqueolóxico do Dolmen de Dombate.

O Dolmen de Dombate é unha referencia como conxunto arqueolóxico e conta cun grande atractivo divulgativo: ter un pequeno centro vinculado ao Dolmen que tamén está musealizado e protexido. Por iso propoñemos aos centros escolares que adiquen unha xornada a coñecer dunha maneira lúdica e didáctica este lugar emblemático da historia da arqueoloxía de Galicia.

Neste programa poderedes atopar visitas guiadas gratuítas financiadas polo concello de Cabana de Bergantiños e unha serie de obradoiros didácticos adaptados ás necesidades específicas de cada ciclo educativo: Infantil, Primaria, Secundaria e Bacharelato así como a ciclos de Educación Especial, Formación Profesional e Educación de Persoas Adultas.

A oferta adáptase á idade, coñecementos e niveis educativos do público escolar e compleméntase cos obxectivos curriculares nas súas competencias básicas. Ademais os centros que impartan cursos de educación non reglada poden atopar actividades transversais moi interesantes e aptas para os seus usuarios.

Poderedes coñecer un pouco máis sobre o Patrimonio Cultural Galego, aprendendo o pasado e experimentándoo dunha maneira lúdica e ao mesmo tempo educativa.

Libro dirixido ó público escolar que participa nos percorridos pedagóxicos organizados polo Concello. A voz de Eduardo Pondal convida ós lectores a visitar elementos de interese da enseada da Insua como a flora, a fauna, a carpintería de ribeira, as embarcacións tradicionais, os afundimenos e os xacementos A Cidá de Borneiro e o dolmen de Dombate.

Ademais de Eduardo Pondal, aparece outro persoeiro histórico da cultura galega como Frai Martín Sarmiento. As ilustracións corren a cargo do debuxante Pepe Carreiro.

Concello de Cabana de Bergantiños

A présente carta é unha magnífica mistura de correo comercial, coa profesionalidade que lle acae, e de sensibilidade. Foi escrita por unha muller para outra muller, ambas armadoras. Isto pode parecer algo estraño, pero na beiramar galega non o era tanto.

Guía en castelán e inglés que contén unha selección dos principais puntos de interese turístico da Costa da Morte. Con textos e fotografías de Xan Fernández Carrera, o camiñante poderá disfrutar percorrer dun percorrido costeiro en 10 etapas desde Malpica ata Muros. Neste caso as páxinas seleccionadas corresponden ó tramo que discorre por terras de Cabana de Bergantiños.

Na primavera de 2014 directora do CRA Os Remuíños, Cristina Parapar, presentou este audiovisual que forma parte dun proxecto realizado no centro polos profesores e os alumnos; María José Pousa, mestra neste CRA durante varios años, recordou outro traballo inspirado en Xapón, e Fumie Kitahori, xaponesa casada en Cabana, falou das diferencias e as semellanzas entre as culturas dos dous países e interpretó xunto coas alumnas da Escola Municipal de Musicoterapia unha danza tradicional nipona.