Rebordelo

Praia mariña con acceso desde o lugar de Rebordelo (Canduas). É o areal máis coñecido e frecuentado do concello. Está abrigado de gran parte dos ventos debido a que se encaixa en dous pequenos brazos montañosos. Isto faina acolledora. Nela desemboca o rego de Rebordelos. Na súa marxe esquerda, desauga outra pequena fervenza. No verán posúe servizo de socorrismo.