II ENCONTRO ESPAZOS COWORKING IGAPE_EOI e II FORO INVESTIMENTO PROXECTOS COWORKING

Sen definir

Xornadas para a posta en valor e busca de financiamento para os proxectos dos Espazos Coworking do Igape e a EOI

O vindeiro 7 de marzo no Edificio Museo da Cidade da Cultura, en Santiago de Compostela terán lugar dous actos orientados a dar a coñecer e facilitar a posta en marcha dalgún dos mellores proxectos empresariais desenvolvidos nos 8 espazos coworking (Santiago, Ferrolterra, Mariña lucense, Ribeira Sacra, Costa da Morte, Celanova e Terras da Limia, Ourense e O Salnés) postos en marcha polo Igape e a EOI.

Os espazos coworking son un lugar de traballo destinado a emprendedores innovadores nos cales facilitar o éxito na maduración e posta en marcha de novos proxectos co apoio de titores e mentores, así como da propia rede que se configura entre os propios participantes.
O primeiro destes actos será o II Encontro dos espazos coworking Igape-EOI que comezará ás 09:30 da mañá coa acreditación e entrega de documentación.

Este encontro permitirá aos asistentes coñecer de primeira man as iniciativas empresariais postas en marcha polos emprendedores e novos empresarios dos Coworking facilitando un espazo onde relacionarse e aprender da súa experiencia.

Posteriormente terá lugar o II Foro de investimento de proxectos dos espazos coworking que dará comezo ás 12:15 h.

O foro permitirá por en contacto a investidores privados e entidades financeiras cos promotores de varios dos mellores proxectos desenvolvidos nos espazos coworking

A tipoloxía destes proxectos empresariais abrangue dende o sector forestal, o deseño, o sector téxtil, a saúde ou a tecnoloxía entre outros.

Máis información e inscricións:
- II Encontro dos espazos coworking Igape-EOI:
Inscricións: http://www.igape.es/es/xornadas?id=91&hm=1
 
 
- II Foro de investimento de proxectos dos espazos coworking
Inscricións :  http://www.igape.es/es/xornadas?id=90&hm=1